Idrottslaget "Jotun"
Øvre Årdal Skilag vart skipa i 1923 og fotballaget "Jotun" i 1935. Etter krigen slo dei seg saman til "Idrottslaget Jotun". Jotun har vore ein av dei fremste fotballklubbane i Sogn og Fjordane. I mange år skipa laget til "Jotun-revyen". Klubbhuset "Jotunhuset" vart teke i bruk i 1958. Her var det m.a. gymnastikksal.
|
Kvinnehandballaget til IL Jotun spela sesongane 2004/2005 og 2005/2006 i 1. divisjon. Foto: Siren Borch Svortevik |
Årdalstangen Idrettslag
vart også skipa i mellomkrigstida.
|
Badebassenget på Årdalstangen etter oppussing 2005. Foto: Egil Jørgen Lund, utlånt frå Årdal Sogelag. |
Symjebasseng
fekk Årdal kommune lenge før andre kommunar i Sogn og Fjordane. Årdalstangen var først ute: Tangen Bedriftsidrettslag gjorde i 1952 framlegg om at ein skulle nytte varmt vatn frå råjernfabrikken som var starta i 1949. Det utandørs symjebassenget var teke i bruk i 1955.
Friluftsbadet i Øvre med 50 meters basseng vart teke i bruk i 1962. Symjarar frå Årdal hevda seg på nasjonalt nivå tidleg på 1970-talet, då m.a.
Annemor Haaheim vart Noregsmeister.
Årdalshallen
i Øvre Årdal vart bygd i 1974, og er idretten si storstove i kommunen. I tillegg til stor idrettshall, rommar bygget symjebasseng og ei mengd treningsrom og møterom. Årdalshallen har sidan 1995 husa dei internasjonale handballtevlingane "Årdal Quality Games".
|
Idrettsanlegget i Øvre Årdal. Foto: Håvard Kristiansen, utlånt frå Årdal Sogelag. |
Friidrett
I 1979 stod Årdal som arrangør av den første friidrettslandskampen arrangert utanfor Oslo. Lag frå Spania, Sveits og Noreg deltok.
|
Ingrid Kristiansen i landskampen på Jotun Stadion. Foto: Egil Jørgen Lund, utlånt frå Årdal Sogeleg. |
Idrettshallen på Tangen
vart bygd tidleg på 1990-talet.