Landhandlar i Førde

Handelsstaden Sjøahola

Sjøahola like under kyrkja på Skei var det gamle ”handelssenteret” i Indre Sunnfjord.

Handel og hotell på Skorpa

Skorpa er det området av Førde sentrum som ligg der Sogn og Fjordane Sparebank og Sunnfjord Hotell ligg i dag. Det var dette området som først tok opp tevlinga med Sjøahola om handelen i Førde, og her kom også det første store hotellet.

Gjestgiveri og handel på Hafstad

Den trondhjemske Postvei og bygginga av Langebrua i 1836 bana vegen for Hafstad som sentrum for handelen i Førde.

Schultz sine landhandlar

- sjå Handel og hotell på Skorpa.

Valeur sine landhandlar

- sjå Handel og hotell på Skorpa.

Næring på Steinen

Anders A. Steen (1812-1885) frå Holsen vart dampskipsekspeditør for Fylkesbaatane i 1869 og etablerte handel ved dampskipskaia si på Steinen.

Erik Hagenes

landhandel i Ervik - sjå Aksel Sjurson Grønhaug.

Nikolai Andersen

starta landhandel ved Langebrua på Hafstad i 1884. Forretninga vart seinare overteken av A. E. Sølvberg. – Sjå: Forretningsfamilien Sølvberg.

Hafstad Kjøttforretning

vart grunnlagt 1905 av M.L. Hafstad. Forretninga låg like ved Førde Hotell, og vart seinare overteken av Hans og Ragnhild Myklebust frå Nordfjordeid. Dei bygde i 1978 Vie Senter og flytta daglegvareforretninga dit.

Karl Kristiansen

starta 1907 landhandel i Kyrkjevegen. Bygningen står framleis, men er no bygd om til bustadhus. Broren Alfred Kristiansen starta i 1929 strikkevareforretning på Hafstad. Han utvida seinare med manufaktur og bygde tilbygg i 1933. Svigerdottera Velaug Kristiansen overtok i 1973 og dreiv butikken fram til 1993.

Den tidlegare butikken til Karl Kristiansen i Kyrkjevegen er no bustadhus. Foto: Kjell Arvid Stølen.

Forretningsfamilien Sølvberg

Anders E. Sølvberg grunnla i 1909 A.E. Sølvberg landhandel i Førde. Dreiv først i den såkalla Schultz-bua ved Hafstad Hotell, før han seinare overtok lokala til handelsmann Nikolai Andersen ved Langebrua. Her hadde det vore forretning frå 1884.

Jeremias J. Klakegg

(1886-1966) frå Jølster, starta i 1912 landhandel i Førde, seinare også børsemakar og urmakar.

Rasmus Fleten

starta i 1915 landhandel i Holsen. Forretninga vart seinare overteken av Sverre Holsen.

Huus Bokhandel

vart grunnlagt 1918 av Georg Huus. Bygde eige forretningsbygg 1924, der det også var landhandel og pensjonat.

Anders Flaten

(1892–1956) frå Jølster starta landhandel i ei sjøbu (Schultz-bua) saman med to kompanjongar like ved Hafstad Hotell. I 1930 flytta han forretningane dit etterkomarane driv Glasmagasinet Flaten idag. Sjå elles Gjestgiveri og handel på Hafstad.

Handel og fabrikkar på Bruland

Kristoffer Bruland f. 1888 starta landhandel i 1921. Frank Bruland f. 1955 (soneson til Kristoffer) dreiv landhandelen vidare, og starta på 1980-talet Bruland Lågpris, som i 1997 utvida mykje med nytt forretningsbygg og matsenter. Seinare gjekk butikken inn i Spar-kjeden, og deretter Rimi-kjeden.

Brede ass. landhandel

på Skei vart grunnlagt 1927 av Nils Brede frå Ulvik.

Sunde Handelslag

- sjå Brede ass. landhandel .

Alfred Kristiansen

manufaktur frå 1929 – Sjå Karl Kristiansen 1907.

Førde Handelslag A/S

vart grunnlagt 1934, og heldt nokre år til i ”Floms-huset” i sentrum sør. Disponent var Ivar J. Berge, som seinare m.a. bygde opp kafè Grillen, og nytt forretningsbygg då Floms-huset vart rive.

Førde Samyrkelag

Har på 1980- og 1990-talet teke over drifta av samvirkelag og andre forretningar i store deler av Sunnfjord og Nordfjord.

Lasse Grønfur

(1903–1986) frå Stryn starta landhandelen Førde Handel i 1939 og landhandel i sentrum sør 1963. (Sjå: Forretningsfamilien Grønfur).