Firda er den største avisa i Sogn og Fjordane, og kjem ut med 6 nummer i veka. Avisa er den største nynorskavisa i landet.
Tinglysingstidende
vart gjeve ut av Olai Nordeide (sjå
Firda) som eige blad for Vestlandet frå ca. 1925 til 1939. Då han gjekk frå redaktørstolen i Firda p.g.a. nazistane i 1942, tok han opp att utgjevinga av Tinglysingstidende ei kort tid, men måtte innstille p.g.a. papirmangel.
Sunnfjord Tidend
vart starta i Førde i 1933, men gjekk inn i 1935.
|
Tor Grønevik |
Avisa ”Hjallarhorn”
vart skipa 1935 av Tor Grønevik, og vart i 1938 organ for Arbeidarpartiet, men vart innstilt før krigsutbrotet i 1940.
Bergens Tidende
opna avdelingskontor i Førde 1965, frå 1970 med Gerdfinn Eithun som journalist. På 1990-talet vart kontoret utvida med journalistane Per Marifjæren, Terje Ulvedal og fotograf Oddleiv Apneseth.
Offisielt opna i nybygde lokale i Førde sentrum i 1979. Frå starten kunne kontoret tilby daglege sendingar frå måndag-fredag på radio. Driv i 2003 med radio, fjernsyn og internett.
Bergens Arbeiderblad
hadde avdelingskontor i Førde 1977–1981 med Sigurd Løset som journalist.
Firdaposten
hadde avdelingskontor i Førde 1977–1996. Journalistar har vore Anne Marie Astad, Johs. Apold, Sigurd Løset, Sølve Stang, Jan Atle Stang, Arne Schei, Gunnhild Sindre, Grethe Eithun.
Avisa ”Dagen”
hadde ein kort periode sist på 1970-talet avdelingskontor i Førde, med Marit Idsøe som journalist.
Førde Nærradio
starta sendingar 1985 og avslutta med konkurs i 1995. Det meste av tida var Magnor Hornnes redaktør.
Samfunn og Næring i Sogn og Fjordane
var eit tidsskrift som vart gjeve ut frå 1986 til 1988 av Vest Media AS, Førde. Redaktør var
Ingemar Nordstrand, som i 1987 tok initiativet til ein årsviss næringslivskonferanse og skiping av "Profilprisen" for næringslivet i fylket.
TV 2
hadde i perioden 1993-1996 eigen korrespondent for Sogn og Fjordane stasjonert i Førde. Journalist var Rolf Sanne-Gundersen.
Gratisavisa ”Sentrum”
vart grunnlagt 1990 av Reidar Indrebø i reklamebyrået Trendsetter. Redaktørar har vore Finn Ove Njøsen, Tormod Flatabø og Ola Nesje.
Gratisavisa ”Førdeavisa”
starta i 1999 av Ola Jakob Huus og Arne Gjesdal. Gjekk inn etter få nummer.
Internett-selskapet ”Sofie.no”
vart starta i år 2000 av Arne Eithun og Ståle Almenning. Gjekk konkurs og innstillte drifta våren 2001.
Gratisavisa "Fylkesmagasinet"
vart starta i 2001 av Media Bergen, A til Å Reklamebyrå, Ole Jonny Klopstad og Tore Fossen, med den sistnemnde som redaktør.