Førde kyrkje

Epitafiet framstiller kjøpmann Peder Findmann og familien hans. (Foto: Arild Nybø, NRK)

Altartavle frå 1643, rekna som eit nasjonalt praktstykke frå barokken. Gåve frå prest Peder Jørgenson Finde og kone Barbra Nitter.

Preikestol frå 1672. Epitafium frå 1681 framstiller kjøpmann Hans Andersson Findmand med familie. Måleri frå 1686, motiv Himmelfarten. Kyrkjeklokker frå 1776 og 1934.

Biletvev i kyrkjeskipet av Marit Erland framstiller kyrkjeåret. Messehakel frå 1671 i Bergen Museum. Pulpitur (del av kyrkjestol) frå 1681 på Norsk Folkemuseum.

Strid om altartavla

I 1885 var altartavla frå barokken lagra på skulehusloftet og planen var å få måla ei ny ”moderne” tavle. Men det kosta pengar, og det drygde ut. 1. juledag 1925 stod barokktavla på plass på altaret, til stor undring både for

Detaljar på den barokke altartavla i Førde kyrkje. (Foto: NRK)

prest og kyrkjelyd. Ukjende hadde på eige initiativ henta tavla frå skulehuset, og i løynd flytta den til kyrkja. Det braut ut bitter bygdestrid om ”ny” eller ”gamal” tavle, og enden på striden var at kunstnaren som skulle måle ny, trekte seg fornærma ut.

Stavkyrkje på Skei

I Førde stod det i mellomalderen ei stavkyrkje på Skei, og fram til noverande kyrkje stod det to kyrkjer på same stad.

Kapell på Vie

På garden Vie stod det i mellomalderen eit kapell, truleg ei såkalla høgendeskyrkje, eigd av ein storbonde.