NRK.no - Fylkesleksikon

Verd å sjå i Bremanger

Grotlesanden

Fin badestrand på vestsida av Bremangerøya.

Publisert 04.07.2001 12:00. Oppdatert 25.01.2007 13:01.

(Foto: NRK)

Vingen helleristingsfelt

Eit av Nordens største helleristingsfelt med fleire tusen registerte bilete. (Vernemyndighetene har lagt strenge restriksjonar på ferdsle i feltet.)

Fiskeværet Kalvåg

– eit av dei best bevarte gamle fiskeværa frå 1800-talet på Vestlandet. Kyst-museum i Liset-buda. Overnatting, restaurantar, havfiske.

Handelsstaden Smørhamn

gamal handelsstad og skysstasjon. Under restaurering.

Fiskarbu på Geitholmen

vest for Kalvåg. Restaurert og eigd av folket i Innvik i Nordfjord. Slike buer budde båtlaga frå fjordane i når dei rodde fiske ved Kalvåg på 1800-talet.

Gamal kyrkjegard på Grotle

låg kring den gamle mellomalderkyrkja som vart riven i 1866. Verna kulturminne. Sjå: Gamlekyrkja på Grotle.

Skaars handelsstad

i Rugsund, restaurert skysstasjon og handelsstad frå 1700-talet. Frå Rugsund har ein også utsikt til Europas høgste ”sjøklippe” - Hornelen - 860 m.o.h. - bilete endst på sida. (Sjå også Handelsstaden Rugsund.)

Rugsund stort kyrkjesokn i gamal tid

innvendig overdådig dekorert m.a. av den kjende treskjæraren Lars Kinsarvik i 1911, og glasmåleri.

Trangt under taket i Ålfot-kyrkja

frå 1610 med interiør frå same tid. (Sjå meir omtale under Kyrkjer i Bremanger.)

Skatestraumstunnelen

Fylkets einaste undersjøiske vegtunnel opna i 2002.

Hornelen

Største sjøklippa i Europa.

Hormelen og Rugsund. Foto: Stig Silden.

SE OGSÅ

Slaget i Sildagapet i 1810

Den 23. juli 1810 gjekk to engelske krigsskip til åtak på ei lita, norsk flåteavdeling ved øya Silda sør for Stad og tok det norske mannskapet til fange. Dagen før hadde engelskmennene herja i Ervik-bygda på Stad. Kvifor gjekk den mektige engelske marinen til åtak på skrøpelege, norske kanonjollar i Ytre Nordfjord?

Då fiskedampskipa stakk til havs

Då den første dampdrivne fiskebåten, ”Activ”, gjekk ut frå Ålesund i 1885, innvarsla det ein ny epoke for norske fiskeri: Havfisket. Dei store skipa gjorde det mogeleg å utnytte fiskeressurane langt til havs. Kring 1910 hadde Sogn og Fjordane 20 slike store fiskedampskip. Fleire av dei vart brukte i aktivt fiske heilt fram på 1960-talet.

Få nazistar i Sogn og Fjordane

Ingen fylke i landet hadde så få medlemmer av Quislings Nasjonal Samling som Sogn og Fjordane. Berre 396 fjordingar og sogningar var medlemmer i NS under 2. verdskrig, og mange av desse var innflyttarar og unge jenter som hadde kontakt med tyskarane. Fleire kystkommunar var så godt som frie for NS-folk.