| | Følte skulen ville bli kvitt Arve Publisert 30.05.2001 12:57 - Oppdatert 30.05.2001 19:03 - På meg såg det ut som leiinga ved Øyrane vidaregåande skule meinte dei var kvitt heile problemet dersom Arve slutta. Dette sa faren til Arve Beheim Karlsen i retten i dag.
Då Arve fortalte foreldra han ikkje ville gå på Øyrane vidaregåande skule i Førde meir, blei det arrangert eit møte mellom familien og skulen. Foreldra og Arve møtte fem av lærarane, og berre ein av dei kom med forslag til tiltak for å lette Arve sin situasjon. Han oppfatta det som om dei fire andre lærarane meinte det beste for skulen ville vere om Arve slutta, - at dei då ville vere kvitt eit problem.
Hadde ikkje problem i SognFaren fortel at foreldra ikkje oppfatta situasjonen dit hen at Arve hadde det vanskeleg i Sogn. Berre ein gong måtte faren hente Arve på eit diskotek på Kaupanger. Problema oppstod då Arve flytta til Førde for å gå på skule. - Arve fekk store problem etter at han blei banka opp under eit besøk i Førde, seier faren.
- Arve sa lite om problema sine, og snakka ikkje om at han vart plaga.
Skulen avviser påstandenRektoren ved Øyrane vidaregåande skule, Marta Sofie Vange, avviste i retten i dag at dei ikkje tok problema til Arve Beheim Karlsen på alvor. - Etter at Arve slutta sette vi inn fleire tiltak mot mobbarane, sa Vange.
| |
Seint fredag 23. april 1999 vart Arve Beheim Karlsen jaga over ei gangbru i Sogndal. Bak han kom to unge menn som i følgje tiltalen ropte "drep han" "drep denne negeren".
Måndagen etter vart den indiskfødde 17-åringen funnen drukna i Sogndalselva.
|
|
