Reidun Liljedal Fimreite ved opplæringsavdelinga i fylkeskommunen likar ikkje situasjonen.
– Det er jo klart at tala er er ganske høge. Det er berre halvparten som går ut i lære og resten vel noko anna. Det er jo klart at dette også er ein kostnad for fylkeskommunen, seier Liljedal Fimreite.
- LES OGSÅ:
- LES OGSÅ:
Usikre på årsakene
Av dei 850 elevane som går på det fireårige yrkesfaglege løpet med to års utdanning og to års læretid, var det i fjor berre 390 som byrja som lærlingar.
Om lag halvparten av dei som slutta gjekk direkte over i anna utdanning. Den andre halvparten tok seg eit friår. Vi er usikre på kva som er årsakene til at så mange sluttar, Liljedal Fimreite.
– Dette er jo forholdsvis ferske tal for oss. Vi vil jo no arbeide vidare med å kartleggje kva som ligg i dette, sler ho fast.
- LES OGSÅ:
- LES OGSÅ:
Fleire her i fylket
Samanliknar ein med tala på landsplan er det to prosent fleire som kuttar ut læretida her i fylket.
Jorunn Eide Kirketeig ved opplæringskontoret Pro er uroa over dei ungdommane som droppar heilt ut.
– Det er uheldig for alle som fell utanfor yrkeslivet å bli gåande og ikkje gjere nokon ting, meiner Kirketeig.
– Meir yrkesretting
Ho har følgjande resept for å få elevane til å oppretthalde interessa for faget og å gå vidare over til læretida.
– Vi må få enda meir yrkesretting under utdanningane. Særleg medan dei er på skule slik at dei ikkje blir leie. Når dei så er ute i lære må det leggjast godt til rette for at dei får motiverande arbeid og forstår yrkeslivet som ein spennande arena å utvikle seg på, seier Kirketeig.