Kryssar fingrane for lærdalslaksen

Elva er ei av tre norske lakseelvar der den meir skånsame bruken av surt aluminium er blitt prøvd ut.

Om fem år får ein svaret på om Lærdalselvi er friskmeldt.

– Friskmeldingsperioden er alltid nervepirrande. Det skal bare ein overlevande parasitt til for at smitta kjem attende. Eg er glad for at NIVA fekk gjennomført behandlinga optimalt, og kryssar fingrane for at den har vore vellukka, seier seksjonsleiar Raoul Bierach ved Direktoratet for naturforvaltning til NTB.

Kosta 90 millionar

Lakseparasitten vart oppdaga i 1996 i elva som vert kalla «dronninga mellom lakseelvar». Sidan 2005 har gyrokampen kosta 90 millionar kroner berre i Lærdalselvi .

• LES OGSÅ: - Kajakkpadling kan spreie parasitt
• LES OGSÅ: Tippar elva tidlegast kan opna om 5-6 år

Tradisjonell behandling med rotenon tek livet av all fisk i elva, medan surt aluminium drep parasitten samstundes som den skånar vertsfisken.

• LES OGSÅ: Her må dei vente på kampen mot storlaksen

I Lærdalselvi har ein prøvd ut ein kombinasjon av desse. Elva må vere smittefri i fem år dersom forsøket skal seiast å ha virket, skriv NTB.