- Du kjenner det med ein gong du går utpå. Det er mykje mjukare å trø på. Det er bra. Før var det jo halvfarleg utpå her, seier sogndalspelar Ørjan Hopen som har skottrening for seg sjølv på det nye dekket på Fosshaugane.
Forklaringa ligg i dei små gummibitane som ligg mellom dei kunstige grasstråa på Fosshaugane. Då kunstgraset vart teke i bruk på Fosshaugane i sommar var det ein annan og langt hardare type gummi som låg der.
- Det var nett som småstein. Om du kjenner på desse er dei heilt annleis, seier Hopen.
(Artikkelen held fram under biletet)
BETRE: Underlaget på Fosshaugane er mjukare no, men skota til Ørjan Hopen er like harde.
Foto: Arve Uglum / NRK65 tonn feilvare
- Det var rett og slett ein feilproduksjon frå leverandøren. Gummien var alt for hard og blei nesten som småstein. Om du fekk ein i skoen var det nesten som å gå på småstein, seier anleggsansvarleg i Sogndal Fotball, Tom Idar Teigen.
Resultatet vart fotballspelarar med brannsår på legger, lår og alt anna som kom nedi graset i litt fart.
- LES OGSÅ:
- Det blei litt klager på det i starten, men etter kvart vende dei seg til det. Våre spelarar i alle fall, seier Teigen.
(Artikkelen held fram under biletet)
FEILVARE: 65 tonn harde gummikuler skal no sendast vekk frå Fosshaugane.
Foto: Arve Uglum / NRKAvansert støvsugar
- No har me rett og slett støvsugd opp gummien. Me har brukt ei spesialmaskin som gjer at sanden i botnen blir liggande att. Og så har me lagt ein ny gummi som er mjukare og som held betre på vatn. Dei hadde trening i dag så då skal det blir spennande å høyra tilbakemeldingane, seier Teigen.
- Me har berre restitusjontrening etter kampen i helga så me har ikkje fått testa det skikkeleg, men no trur eg det er bra, seier Ørjan Hopen.