I fjor omsette Maritime Montering for ein halv milliard kroner, medan driftsresultatet stogga på nær 20 millionar kroner. Nær ei dobling i høve til 2009.
Verksemda produserer og leverer skipsinnreiing, men tek også på seg innreiingsprosjekt og leverer alt frå prosjektering til montering og ferdigstilling av innreiing.
- LES OGSÅ:
– Vi har gjort ein del endringar i drift og organisasjon siste åra, og det gjer at vi får betydeleg betre resultatgrad, seier administrerande direktør Anders Lien.
Har omorganisert
Verksemda såg dagens lys på vesle Bjørvikstranda i 1981, men då det ikkje lenger var nok oppdrag i Norge, valde selskapet i staden å gje full gass i utlandet.
(Artikkelen held fram under tabellen)
Lien forklarar gode tal med omorganisering, auka arbeidsstab i utlandet og færre i Norge. Dei har sett på innkjøpsrutinar, vareforbruk og driftskostnader. Summen av dette blir gode plusstal i rekneskapen.
– Det vart eit minkande marknad i Norge dei seinare åra. For å halde oppe aktiviteten har vi måtte sett mot utlandet, seier Lien.
Vurderer Kina
I dag har dei verksemder i Polen, Romania, Vietnam og India, i tillegg til underavdelingar i andre land. Frå lokala sine på Bjørvikstranda har Maritime Montering også administrert ei lang rekkje oppdrag i Kina.
- LES OGSÅ:
Og no vurderer dei å starte opp også i verdas mest folkerike land.
– Dersom vi no klarer å auke omsetnaden i Kina, så vil det å etablere eit selskap der vere ein tanke, seier Lien.