I løpet av dei siste vekene har nær 30 personar blitt forsøkt svindla på bensinstasjonar i fylket. I Gaupne dreier det seg om over 100 000 kroner som er blitt tappa frå korta til 18 korteigarar.
- LES OGSÅ:
Men det skal relativt enkle grep til for å dramatisk minska sjansen for at kjeltringane lukkast med å utnytta nettopp ditt kort.
Regionsperre
– Om ein brukar regionsperre på kortet, so minskar risikoen for å bli utsett for kortsvindel, seier Signe Grotle i Sparebanken Sogn og Fjordane.
Regionsperre er noko som er tilgjengeleg i nettbanken, der kunden går inn og vel kva region kortet skal vere sperra i. Ein til dømes sperra kortet i heile verda, bortsett frå i Norge.
Då vil dei fleste svindlarar ikkje klara å utnytta kortinformasjonen din, sjølv om dei har kopiert den.
– Om dei skal på ferie kan dei berre gå inn i nettbanken og oppheve sperringa for området dei skal feriere i, seier Grotle.
Eitt vellukka misbruk av ti forsøk
– Veldig ofte er det folk som stel informasjonen her i Norge, for so å selja den vidare til andre i til dømes USA eller Asia, seier Grotle.
Lensmannskontoret i Gaupne fekk onsdag melding om at minst 18 personar var blitt svindla sist laurdag. Og ni eller ti personar vart svindla i Vadheim nokre dagar tidlegare.
– Det er grunn til å tru at dette er folk som reiser rundt og at det ikkje er lokale folk, sa politiførstebetjent ved Gaupne lensmannskontor til NRK tidlegare i dag.
– ENKLE GREP: Signe Grotle, avdelingsleiar kortsvindel, Sparebanken Sogn og Fjordane, seier det er enkle grep som kan hindra kortsvindel.
Foto: Anna Gytri / NRKMen om folk brukar regionsperra aktivt, gjer dei livet mykje surare for kjeltringane.
– I Vadheim var det berre eitt misbruk blant ti forsøk på våre kundar. Dei har hatt på regionsperre, og då har den stoppa svindelen, seier Grotle.
– Etter me fekk løysinga med regionsperre, so har skimmingproblema gått ned.
Regionsperra blir enkelt brukt i nettbanken, men om du ikkje har nettbank, kan banken hjelpa deg med regionsperre om du tek kontakt med dei.