Filefjells-utbetring framleis i rute

Like ovanfor Maristova har utrasing av steinblokker heilt stengt vegen, som fram til 12. oktober skulle vere open i helgane.

• LES OGSÅ: Stengjer Filefjell i åtte veker

Overfor Sogn Avis seier prosjektleiar Oddvin Ylvisaker at desse hendingane ikkje får noko å seie for framdrifta.

• SJÅ: Oppdaterte vegmeldingar frå Statens vegvesen

– Vi reknar med å vere ferdige i slutten av juni 2014, seier han til avisa.

Dei siste vekene har det rasa i fjellskjeringa, noko som har ført til meirarbeid med å rydde og sikre vegen. Fjellsida er ustabil, og reinskingsarbeidet kan ikkje utførast før den er sikra.

Ved det siste raset konkluderte ein geolog med at arbeidet var så omfattande og utfordrande at det var uråd å få gjort dette før 12. oktober.