Har fått att stolne kle

Lensmann Magne Knudsen i Årdal seier dei til og med har fått varer som ikkje tilhøyrer butikken i Årdal.

– Desse kleda stammar nok frå eit anna innbrot.

Eigar Aud Henjum sa etter innbrotet natt til 16. august at ho var sikker på at tjuvane hadde fått med seg kle til ein verdi av 1,5 millionar kroner. Men mange og gode tips gjorde at politiet fort kom på sporet av tjuvane.

• LES OGSÅ: Tømde butikk for merkeklede
• LES OGSÅ: Tredje innbrot på seks veker

Pågripne etter to dagar

To dagar etter innbrotet i Årdal aksjonerte politiet i Vestfold mot ein bustad i Sandefjord og arresterte to menn og ei kvinne. Dei to mennene på 33 og 42 år vart varetektsfengsla for fire veker.

• LES OGSÅ: Tjuveriet i Årdal er oppklart
• LES OGSÅ: Tips avgjerande for rask pågriping

Dei fire vekene er no gått, dei to som er sikta i saka har vore i nytt fengslingsmøte og må sitte i varetekt i endå fire veker til. Det er enno uvisst når saka mot dei to kjem opp for retten. Dei to er av austeuropeisk opphav.