Hopp til innhold

Bilførar tiltalt etter dødsulukke

Ein bilførar er no tiltalt for uaktsamt drap etter ei dødsulukke i Amlatunnelen i Sogndal for snart to år sidan.

Dødsulykke i Amlatunnelen

KVINNE OMKOM: To bilar kolliderte front mot front i Amlatunnelen.

Foto: Sondre Evenstad Dalaker

Sogn Avis skriv at saka skal opp i Sogn tingrett 26. november. Det er teke ut tiltale for uaktsamt drap, i tillegg til uskikka førar.

Ei 52 år gammal kvinne omkom momentant i møteulukka i tunnelen på Kaupanger for snart to år sidan. Ho kolliderte med ein bil som låg i feil køyrebane. Føraren hadde også teke fleire forbikøyringar i ferjekøen.

Bilføraren blei hardt skadd i ulukka. Like etter ulukka kom det fram at mannen har diabetes og at han mest truleg hadde eit anfall av det som vert kalla føling.

Etterforskinga har teke lang tid, og saka kjem først opp for retten no. Det er sett av tre dagar i tingretten.