Grønli kjem frå Vålerenga. I tillegg til Grønli har laget også signert Helene Gudim Bakke frå Nymark og Elisabeth Frafjord Nessa frå Mastra-
For høyangerjenta Grønli var det ekstra kjekt å bli spurt om å hjelpe laget frå heimbygda.
– Eg har lyst til å hjelpe, og det er kjempekjekt å bli spurd. Dessutan får eg mykje kamptrening, seier Grønli.
Studerer medisin i Bergen
23-åringen har flytta frå Oslo til Bergen for å studere medisin, og dermed var det ei opning for å spele kampar for gamlelaget, sjølv om det er byrja å bli mange år sidan Grønli sleit Høyang-skjorta.
– Eg har ikkje spelt for Høyang sidan eg var 15-16, så det blir rart å ta på seg Høyang-skjorta att, men det blir kjekt, seier Grønli.
Midtbanespelaren reknar med at ho spelar søndag når Høyang møter Jølster.
– Eg er iallfall klar til å gi jarnet, seier Grønli.
- LES OGSÅ:
Glad for supplementet
Og det er Høyang-trenar Leif Arne Tveit glad for. Både han og spelarane var langt nede i går etter tapet mot Førde.
– Vi har ein jobb å gjere, men eg har full tru på at det kan gå. Men vi er svært heldige som får inn Line til å hjelpe oss dei siste kampane, seier Tveit.
GLAD FOR HJELP: Høyang-trenar Leif Arne Tveit er glad for forsterkningar.
Foto: Oddleif Løset / NRKI tillegg har lagets beste spelar, Anja Pettersen, vore ute grunna fødsel. Ho er snart tilbake i trening, knapt ein månad etter at ho nedkom.
– Vi får eit bra lag om nokre veker, men nett no har vi litt problem. Så det er flott å få litt hjelp, seier Tveit.
- LES OGSÅ:
Ny midtstoppar og venstre ving
Helene Gudim Bakke (27) er opphavleg frå Bergen og har spelt for Nymark.
– Eg har flytta til Høyang grunna jobb, så for meg handlar det om å ha noko å gjere på her medan eg bur her. Dersom eg kan bidra til at Høyang held seg i andredivisjon, så er det kjekt, seier midtstopparen.
Elisabeth Frafjord Nessa (26) frå Randaberg bur i Balestrand.
– Det er lenge sidan eg har spelt aktivt, men eg hadde lyst til å spele fotball att. Så eg blir med så mykje eg kan, sjølv om turnusarbeid legg nokon avgrensingar, seier Nessa.
Venstrevingen har tidlegare slite skjorta hjå Mastra IL.
– Vi har tru på at begge desse jentene blir i klubben også utover denne sesongen, seier Tveit.