Initiativtakarane bak tunnelen tenkar stort når dei no har håp om å få til ein vegtunnel frå Lunde i Kjøsnesfjorden og opp til 1500 meters høgde på Tverrfjellet i Jølster.
Herfrå kan dei som vil gå rett ut frå garasjen som skal ligge inne i fjellet, og ut på Jostedalsbreen.
- LES OGSÅ:
Almquist seier til avisa Firda at han meiner prosjektet er verdt å greie ut vidare.
– På generelt grunnlag kan vi fastslå at det er slike prosjekt som vil kunne gjere landet vårt attraktivt utover i Europa. Vi treng fleire attraksjonar og dette er i utgangspunktet ein genial idé, seier Almquist som er administrerande direktør i NHO Reiseliv.
– Ein attraksjon
200 millionar kroner er prislappen på tunnelen som initiativtakarane i Jølster meiner vil kunne løfte breturismen i Norge til nye høgder. Ordførar Oddmund Klakegg og resten av mennene bak er overtydde om at dette blir ein attraksjon.
– Ein fjelltunnel frå Kjøsnesfjorden, ved riksveg 5 mellom Jølster og Sogndal, til topps på Tverrfjellet vil vere ein attraksjon som vil gje uante moglegheiter for turiststraumen til Noreg i uoverskueleg framtid, seier ordførar Oddmund Klakegg (Sp).
Dei trur og at det kan opne opp for uante turmoglegheiter i eit område som tidlegare berre var tilgjengeleg for dei som orkar gå timevis i fjellet.
Leiaren i Sogn og Fjordane turlag, Marino Ask, er derimot litt meir skeptisk. Han er redd ein slik tunnel vil vere ei forlenging av cruiseturismen og at det i størst grad vil vere folk som tek turen opp i bil eller buss for å sjå på utsikta i nokre minutt.
- LES OGSÅ:
- LES OGSÅ:
(Artikkelen held fram under TV-saka)
– Dette turistane vil ha
Almquist i NHO Reiseliv seier denne tunnelen vil opne opp for akkurat den typen opplevingar som turistar stadig oftare etterspør.
– Naturopplevingar på eit slikt nivå vil vere unikt, og gje oss ein fordel overfor mange andre, seier direktøren til avisa Firda.
Han kjenner ikkje til liknande prosjekt i Europa og meiner at det heilt klart vil få stor betydning, dersom ein faktisk får bygd ein slik tunnel til breen.