Det er no litt over fem år sidan tankeksplosjonen ved Vest Tank sitt anlegg i Sløvåg i Gulen. Dei nye eigarane, Alexela, vil no tredoble kapasiteten, skriv Bergens Tidende.
Alexela-eigar Heite Hääl seier til avisa at dei planlegg å byggje ti nye tankar i tillegg til dei ni dei snart tek i bruk.
– Då kan vi også ta imot og lagre råolje, seier estlendaren til avisa.
- LES OGSÅ:
- LES OGSÅ:
Stor skilnad
Sidan selskapet overtok anlegget har dei ifølgje Hääl brukt ca 500 millionar kroner på opprydding, tømming av tankar, transport og destruksjon, i tillegg til nyinvesteringar.
Han er tydeleg på at det Alexela skal drive med i Sløvåg er noko heilt anna enn det dei tidlegare eigarane i Vest Tank dreiv med.
– Vest Tank var ei avfallsbedrift, som behandla oljeavfall. Alexela skal lagre oljeprodukt før vidaresending, seier Alexela-eigaren til Bergens Tidende.
Alexela Sløvåg er eitt av selskapet sine fire terminalanlegg for lagring av oljeprodukt. Ifølgje Bergens Tidende ligg det to i Estland, og eit i Murmansk i Russland.
- LES OGSÅ:
- LES OGSÅ:
– Dette er noko heilt anna
Også ordførar Hallvard Oppedal i Gulen er overtydd om at den nye drifta i Sløvåg blir av ein heilt annan standard enn før. Han seier til avisa at kommunen har brukt mykje tid på å handsame dei nye driftsplanane.
– Vi har lagt bak oss ein epoke som slett ikkje var bra.
– Eg trur heile lokalsamfunnet forstår at dette er noko anna enn den førre aktiviteten som var her i Sløvåg, seier Oppedal til Bergens Tidende.