I starten av august vart verdas aller første flytebryggje for cruiseskip testa ut i Skjolden. Den såkalla Seawalk-kaia er ei samanleggbar flytebryggje og skal ifølgje utviklarane vere langt meir fleksibel enn ei fast kai.
- LES OGSÅ:
Men ikkje alle er like imponert. Grunneigar i Skjolden, Lars Steinar Hauge, er uroa for at flytebryggja er lagt ut på ein slik måte at det går ut over fisket i elvane i nærleiken.
Godkjent av kommunen
Hauge ønskjer ikkje å la seg intervjue av NRK, men i eit brev han har sendt til Fylkesmannen reagerer han på plasseringa av flytebryggja. Grunneigaren meiner bryggja sperrar av to tredjedelar av fjordbassenget og har negativ betydning for området nær Fortunselva og Mørkridselva.
Plansjef i Luster kommune, Arne Lerum, seier godkjenninga dei har gitt til utbyggjar Skjolden Cruisekai, er i orden.
– Visst Seawalken ligg slik som det er omsøkt, og det meiner eg den gjer, så er det slik som fiskerisakkyndinge har godkjent, seier Lerum til NRK.no.
- LES OGSÅ:
- LES OGSÅ:
(Artikkelen held fram under biletet)
STOR MERKSEMD: Selskapet Cruise Ventures på Veitastrond, som har vidareutvikla kaia, trur det blir seld mange Seawalk-kaier i tida framover.
Foto: Tage Skjaak MoenFleire har vore kritiske
Det er ikkje berre grunneigar Lars Steinar Hauge som har vore kritisk til flytebryggja for cruiseskip. Kystverket er uroa for plasseringa og Fiskeridirektoratet fryktar for brislingfiske.
– Det vi har sagt er at visst fortøyingane kjem i konflikt med utøving av fiske og bruk av låssettingsplassane, så frårår vi at tiltaket kjem på plass, seier rådgjevar i Fiskeridirektoratet, Hanne Marie Utvær.
Om kommunen har tatt omsyn til desse innspela har Fiskeridirektoratet ikkje fått svar på. No vil kommunen få på plass ei avklaring på om flytebryggja ligg slik dei gav løyve til.