Azar kan vere på veg til Hønefoss

Det er Ringerikes Blad som har vore i kontakt med agenten til eidaren og stadfestar ein mogleg overgang.

– Hønefoss er ein av fleire klubbar vi snakkar med. Meir kan eg ikkje seie, seier agent Jack Karadas til avisa.

31-åringen frå Nordfjordeid har spelt for den tyrkiske klubben Kasimpasa sidan 2009, men vart i sommar fristilt frå kontrakten. Etter at han kom tilbake til Norge har Karadas spelt saman med Brann, der han spelte før han reiste til Tyrkia.

• LES OGSÅ: Karadas sikra laget opprykk
• LES OGSÅ: Har slite benken i snart eitt år

På spørsmål frå Ringerikes blad om kor nær dei er ei avgjerd om kor Karadas skal spele framover svarar agent Jack Karadas slik.

– Dette er ein prosess, og det vil ta tid.

Hønefoss-trenar Leif Gunnar Smerud vil overfor avisa ikkje kommentere noko rundt verken Azar Karadas eller andre eventuelt nye spelarar.

I samband med at Erik Huseklepp skreiv under for Brann i slutten av juli , sa Rolf-Magne Walstad, som er klubbens sportslege administrative ansvarlege, dette om ein eventuell signering av Karadas hos dei.

– Vi veit at Azar har avslutta sin avtale i Tyrkia og har forstått at han er på klubbjakt. Det ville vere dumt å utelukke det, men vi har i utgangspunktet ikkje tenkt på framtida når det gjeld han. Tida vil vise kva som skjer.