Den 22. juni i fjor omkom Bjørn Robert Nesse (44) frå Høyanger då han på motorsykkel kolliderte med ein personbil som var i ferd med å snu i eit mørklagt parti inne i Høyangertunnelen.
Ein sogning i 30-åra som var førar av personbilen vart dømd til fengsel i 30 dagar, der 16 dagar var på vilkår. Retten meinte det var bevist at tiltalte hadde opptredd uaktsamt, ved å ta ein unødvendig risiko då han snudde inne i tunnelen.
Bilføraren sa seg ikkje skuldig og meinte han var merksam då han snudde. Han meinte vidare at motorsykkelen måtte ha kome i svært stor fart og var utan lys i fronten. At motorsykkelen mangla lys har retten lagt til i formildande retning.
- LES OGSÅ:
- LES OGSÅ:
Forsvarar Svein Tømmerdal seier til NRK.no at dommen blir anka.
– Min klient kjenner seg uskuldig dømd, seier Tømmerdal som ikkje vil kommentere saka utover det. Det er levert ei fullstendig anke i saka.