Det vart eit gull, ein sølv og fire bronser til utøvarar frå Sogn og Fjordane første dagen i junior-NM.
Åttande gull på rad
Trude Raad frå Gloppen sikra seg ein gullmedalje i sleggje, samt bronse i kule.
Dette er åttande gullet hennar i sleggjekast i NM på rad.
– Eg er veldig nøgd med resultata med tanke på forma dei siste dagane. Sjukdommen har gjort at eg ikkje har fått trent skikkeleg, seier Raad til Firda.
Sølv i debuten
Marius Vedvik frå Førde, debuterte for Gular IL i Bergen, og var nest raskast på 5000 meter. Dermed sikra han seg ein sølvmedalje.
Tre andre frå fylket fekk bronsemedalje. Desse var:
- Marte Rygg Årdal, Gloppen (sleggje)
- Vanessa Sunde Hoel, Gloppen (kule)
- Jostein Joshua Fossøy , Florø (100 meter)
Konkurransane held fram i dag og i morgon.