Politiet mistenkjer at ei kvinne i 40-åra køyrde i rusa tilstand, etter at bilen ho køyrde hamna utfor vegen ved Skjelingavatnet på Vikafjellet, omlag fire kilometer nordaust frå fylkesgrensa til Hordaland. Det var ingen andre bilar involvert i utforkøyringa.
Politiet fekk melding om ulukka klokka 22:12 og luftambulanse og ambulanse blei kalla ut. Bilen til kvinna hadde velta og låg delvis ute i vegen. Kvinna kom ikkje til skade i ulukka.
Saka blir vidare etterforska av politiet i Sogn.