Alvorleg skadd på Stryn sommarski

– Mannen landa veldig stygt etter eit hopp. Han fekk brot i begge armane og eitt bein, fortel assisterande driftssjef Truls Omtvedt i Stryn sommarski til nrk.no.

Mannen vart frakta i luftambulanse til Førde Sentralsjukehus. Der får vi opplyst at tilstanden er alvorleg, men stabil. Han er innlagd på intensivavdelinga og skulle opererast torsdag ettermiddag.

Tre ulukker på ei knapp veke

Dette er tredje ulukka på ei veke på Stryn Sommarski. Fredag vart ein svensk mann i 30-åra frakta til sjukehus etter å ha køyrt i ein snøsprekk utanfor det oppmerka området.

• LES OGSÅ: Skiløpar låg ein time i bresprekk

Tysdag var det og ei ulukke der ein mann i 30-åra vart send vidare frå Førde Sentralsjukehus til Ullevål i Oslo.