Hopp til innhold

Kvinne til sjukehus etter ulukke

Ei kvinne i 70-åra er send med luftambulanse til Førde etter ei trafikkulukke på riksveg 5 i Kjøsnesfjorden.

Trafikkulukke i Kjøsnesfjorden

HAMNA PÅ TAKET: Personbilen har køyrt utfor vegen i Kjøsnesfjorden.

Foto: Arve Uglum / NRK

Kvinna var åleine i bilen, og ho skal ha køyrt utfor vegen og landa på taket.

Ved AMK på Førde Sentralsjukehus opplyser dei at tilstanden til kvinna er alvorleg, men stabil, og ho ligg på intensivavdelinga.

Ulukka skjedde nokre kilometer frå Skei i Jølster, og ambulanse, brann og politi rykka ut. Riksvegen var stengd rett etter ulukka. Lensmannen i Jølster vil etterforske saka vidare.

Trafikkulukke i Kjøsnesfjorden

STENGD: Riksveg 5 var stengd etter ulukka.

Foto: Ragnvald Søgnesand