Etter brotet i landbruksoppgjeret laurdag, markerte bøndene i Vik og Balestrand ein svak start på aksjonen med si eiga «skytebane» og «syterampe» i Vetlefjorden.
Måndag morgon stogga dei trafikken over Utvikfjellet. Liknande planer har dei også for Førde, Skei og Sogndal utover ettermiddagen.
- LES OGSÅ: Varaordførar vil anmelde bønder
Det er også venta fleire aksjonar utover veka i heile landet.
– Vi tykkjer ikkje at vi valde ei særskilt hard aksjonsform. Det hardaste vi kan gjere er å slutte å produsere mat, og det har vi i alle fall ikkje vald å gjere i dag, seier Anders Felde, leiar i Breim bondelag.
– Ingen sympati
Hos innbyggjarane får aksjonsforma blanda mottaking. Det fekk bøndene på fjellovergangen mellom Stryn og Gloppen erfare.
- LES OGSÅ: Åtvarar mot tome butikkhyller
- LES OGSÅ: «Dette er ikkje eit tilbod. Det er eit skambod»
– Det verste var ein som kom i dag tidleg. Han skulle bak i bilen og finne noko å banke dei stom stod i vegen, seier Felde.
– Det var ikkje noko særleg. Han kasta bilen ut av vegen og opp på snøen. Det var ikkje forsvarleg på nokon måte, legg Felde til.
I kommentarfeltet på NRK.no rasar debatten over aksjonsforma bøndene førebels har valt etter at dei braut landbruksoppgjeret laurdag. Medan dei fleste reaksjonar der er negative, har NRK også fått fleire tekstmeldingar som i hovudsak støttar bøndene.
- LES OGSÅ: Ordførar fekk mjølkeku på døra
- LES OGSÅ: Bønder melder seg ut av Sp i protest
– Støtter bøndene fullt ut, men denne aksjonsformen skaper ikkje sympati, skriv romsdoel.
– Slik er det berre
Bøndenekravde 2,2 milliardar kroner, men staten opna med eit tilbod på 900 millionar kroner. Tilbodet vert skildra som eit skambod frå staten. Bøndene viser til landbruksmeldinga som vart lagt fram i vinter.
- LES OGSÅ: Brot i jordbruksoppgjeret
Her legg regjeringa opp til ein produksjonsauke på 20 prosent fram til 2030. Dei siste 20 åra er tal gardsbruk over halvert, medan tal årsverk i landbruket er nær halvert.
– Vi råkar diverre tredjepart i ein slik situasjon. Beklagar, men slik er det berre, seier leiar i Sogn og Fjordane bondelag, Per Hilleren, om aksjonane.
(Artikkelen held fram under biletet)
Fekk viljen sin
Måndag morgon tok bønder i dei fem nordfjordkommunane med seg ordførarane frå kommunehusa. Aksjonen var ikkje avtala med ordførarane på førehand.
- KVA MEINER DU OM AKSJONSFORMA TIL BØNDENE? SEI DI MEINING HER.
Ordførarane skulle likevel til eit møte i Nordfjordrådet i Stryn, og fekk skyss med bøndene. Med på turen fekk dei også krav om å stile ein uttale til landbruksminister Lars Peder Brekk (Sp).
Like før klokka 11 var uttalen både godkjent av bøndene, og vedteken av Nordfjordrådet.
– Det ser litt mørkt ut for min del. Eg er ikkje sikker på kor mykje pengar Stoltenberg er villig til å legge på bordet for å få meg fri. Men ut over det det er tydeleg at alvoret i forhandlingane er større enn dei fleste er klar over, sa ordførar i Eid, Alfred Bjørlo (V).
(Artikkelen held fram under biletet)
Fryktar ikkje reaksjonar
På spørsmål om bøndene ikkje fryktar politireaksjonar på det dei sjølve skildra som kidnappingar, svara leiar i Eid bondelag, Knut Tore Nes Hjelle:
– Det har vi ikkje frykta, men skulle det blir det så skal vi ta den straffa det skulle vere. Det viktigaste er å få fram bodskapen, seier Nes Hjelle om «kidnappingsaksjonen».