Selskapet er blant dei største private arbeidsgjevarane i kommunen og har hatt mange oppdrag både i og utanfor Aurland. Selskapet driv både med anleggsmaskiner og vegvedlikehald.
Leif Turlid AS er blant anna entreprenør på strekninga Tovund – Teigen på E39, men Veidekke som har kontrakt med selskapet seier at konkursen ikkje får konsekvensar for framdrifta på strekninga.
Jaktar på nye jobbar
LEITAR ETTER NYE JOBBAR: ordførar Noralv Distad vil hjelpe dei konkursråka
Foto: Kjell Arvid Stølen / NRK– Det er svært beklageleg at ei så stor bedrift går konkurs, og vi jobbar no for å finne ut av kor mange som treng ny jobb, seier ordførar Noralv Distad.
No er det ikkje alle som er busette i Aurland, men vi skal prøve å hjelpe alle så godt vi kan.
Allereie før helga hadde han kontakt med det lokale NAV-kontoret for å skaffe seg ei oversikt over situasjonen og finne ut om det finst andre jobbar til dei tilsette.
Dette arbeidet står og på timeplanen når ordføraren kjem på jobb igjen måndag morgon.
Leif Turlid AS har kome i ei akutt likviditetskrise og skal ha uteståande om lag 30 millionar kroner. Størstedelen av pengane skal ifølgje Sogn Avis skrive seg frå arbeid som selskapet har til gode som underentreprenør ved eit veganlegg i Vadheim.
Lavsesong for entreprenørane
Også leiar for NAV i Aurland, Guri Olsen, jobbar no for å skaffe seg oversikt over kor mange som treng ny jobb.
– Aurland er ein kommune der det er mange sesongarbeidsplassar, men vi veit at dei som har jobb hos entreprenørar vekependlar over store deler av Vestlandet.
No er det lavsesong i bransjen, men vi håpar det skal ordne seg med jobb igjen for dei 53 arbeidarane, seier NAV-leiaren.
I neste veke blir det arrangert felles informasjonsmøte for dei som er råka av konkursen. NAV Aurland er eit lite kontor, og det kan difor bli aktuelt å be om hjelp frå nabokontora, dersom pågangen blir stor.