Ho kom på tredjeplass i tresteg med 13,37 meter som beste notering, og ein litt kjip fjerdeplass i lengde med 5,85 meter.
– I tresteg vart det årsbeste, så eg må nesten vere nøgd med det. Lengde var ein bonus, der gjekk det greitt, seier Inger Anne Frøysedal.
Har hoppa lite i år
Ho er greitt nøgd med årsbeste i tresteg, men understrekar at ho berre har hatt eitt stemne før i år.
– Eg har ikkje hoppa så mykje, men eg er no nøgd sjølv om eg ikkje vann, seier Frøysedal.
- LES OGSÅ:
- LES OGSÅ:
Vart sett ut av matforgifting
Oppkøyringa har ikkje vore den beste. Under eit opphald i regi av Friidrettsforbundet i Mosambik vart ho sett heilt ut av spel grunna matforgifting. Det førte til at 22-åringen mista mange dagar med verdfull trening.
Det tok mange dagar før ho kjende seg pigg nok til å trene for fullt.
– Det har ikkje vore den beste treniningsvinteren heller. Eg har valt å ikkje satse så mykje på innandørs i år, eg går heller for utandørs, seier Frøysedal.
- LES OGSÅ:
- LES OGSÅ:
Berre 20 cm frå persen
Tresteg-hoppet laurdag var 20 centimeter unna hennar personlege rekord.
– Det kunne vore verre. Eg er nøgd med tanke på kor lite eg har trent, seier Frøysedal.
No siktar ho fram mot NM som er om knappe tre veker. Stemnet i helga gav signal på kva som er i vente.
Føler ho har meir inne
– Eg føler at eg har meir inne, så eg trur eg har mykje eg kan hente fram med litt meir trening, seier Frøysedal, som no går inn i ein tøff treningsperiode.
– Det blir mykje trening framover, og så får eg prøve å satse på ein formtopp til NM. Etter det blir det hardtrening før utandørssesongen, seier Frøysedal.
EM er det store målet
Føysedal har fleire NM-medaljar, og har EM for senior som det store målet. Utandørs har ho klart 13,63 i tresteg, og ho må truleg ha lengder i den kategorien for å nå EM-kravet.
– Det er veldig høge kvalifiseringskrav i år, men eg håpar å klare det, seier Frøysedal.