Opplever Telenor som arrogante

– Når du snakkar med dei og legg ut om kor vanskeleg det er for deg å vere utan mobil, så vel dei gjerne å legge på i staden for å svare på spørsmål, seier Forsberg.

Etter «Dagmar» sine herjingar i romjula, har bygda Davik i Bremanger vore utan mobildekning sidan andre juledag.

Sjølv då fasttelefonen var på plass igjen, var det vanskeleg å få fatt i kundesenteret til Telenor.

• LES OGSÅ: "Dagmar" vart dyr for kraftselskapa
• LES OGSÅ: Neste veke skal nesten alle ha fått att mobildekninga

– Svært arrogante

Forsberg er ikkje den einaste som har hatt dårlege opplevingar med kundeservicen til Telenor.

– Folk får heilt ulike og horrible svar frå den kanten, seier Gerd Barstad, ein annan innbyggjar i Davik.

• LES OGSÅ: Set krav etter kollaps på mobilnett

– Den siste privatpersonen som eg veit om har ringt fekk beskjed om å ikkje rekne med at dekninga kom tilbake før ein gong i februar, fortel ho.

Ho seier at bygdefolket opplever kundebehandlarane som svært arrogante.

(Artikkelen held fram under biletet)

Ikkje bra nok

Regional informasjonssjef ved Telenor, Per A. Meling, er einig i at dette ikkje er bra.

– Det er ikkje bra at vi blir oppfatta som arrogante og det er ikkje god kundebehandling å legge på røyret. Men det går føre seg mykje arbeid for å rydde plass til mobilstasjonen, seier han. Meling meiner dette kan ha gjort at dei på kundesenteret er usikre på når dekninga faktisk vil komme tilbake.

• LES OGSÅ: Kundar rasar mot Telenor
• LES OGSÅ: Post- og teletilsynet vil setje strengare krav til teleoperatørane

Etter at Telenor har kome med ei rekkje forskjellige datoar, er 20. januar no sett som rettedato i Davik. Då vil innbyggjarane få dekning i form av ei mellombels løysing.

– Det tykkjer eg er for dårleg, seier Forsberg.