Då hovudutval for samferdsle diskuterte økonomiplanen for dei kommande åra tysdag, kom det fram at ingen av samferdslepolitikarane i Sogn og Fjordane er villige til å leggje ned båtruta mellom indre Sogn og Bergen.
Politikarane meiner bygdene i midtre Sogn framleis ikkje har alternativ som er gode nok, dersom båten forsvinn.
Har ikkje finansieringsforslag
Politikarane har ikkje svar på korleis dei skal finansiere båten i åra framover, det har dei tenkt å komme tilbake med seinare.
Økonomiplanen vert endeleg vedteken av fylkestinget i desember.
Får mindre å rutte med
Fylkesrådmann Jan Øhlckers har teke til orde for å avvikle Sognebåten frå 1. mai 2014, då eit nytt inntektssystem vil føre til at overføringane til Sogn og Fjordane fylkeskommune vil gå ned.
Talet på reisande i Sogn og Fjordane går stadig ned, medan utgiftene til kollektivtrafikk har auka kraftig. Samferdsleavdelinga i fylket skal spare 42 millionar kroner.
- LES OGSÅ:
500 færre tok båten
Frå 2007 til 2010 er talet reisande på Sognebåten redusert frå 7500 til 7000. Drifta av Sognebåten har røter tilbake til 1850-talet. Sidan Fjord1 Fylkesbaatane tapte anbodet om strekninga, blir ruta frå neste år teken over av bergensreiarlaget Tide.