Sel mindre brus

Logistikkdirektør Jan Audun Larsen seier det er alvorleg at brusomsetnaden går så mykje ned fordi brussalet utgjer ein tredel av produksjonen til Lerum.

Kundane vel bort brus til fordel for vatn og anna sukkerfri drikke. Per i dag sel Lerum lite vatn, og verksemda taper dermed terreng på leskedrikk-marknaden.

Larsen seier at det er viktig for Lerum å halde seg orientert på vass-marknaden, men han ynskjer ikkje å seie om Lerum kjem til å satse meir på vatn i framtida.

- Eventyrlege tilstandar

- Vatn er eit område som har hatt ein betydeleg auke. Etablerte merke som Olden og Imsdal har opplevd eventyrlege tilstandar i sommar.

Lerum er omgitt av både brear og friskt vatn. Kanskje er det nokon som ventar at også Lerum skal satse på vatn?

- Olden profilerer seg på den måten, og dei har jo hatt suksess, seier Larsen.

Men ifølgje Larsen blir det ikkje nokon umiddelbar storsatsing på vatn i Lerum. Verksemda skal no gjere alt dei kan for å få brusomsetnaden opp igjen.