I fjerde runde kasta Rygg Årdal 59.21 meter, nesten to meter lenger enn Elina Uustalo frå Finland som kom på andreplass.
- LES OGSÅ: Solid innsats under NCC-leikane
- LES OGSÅ: Rygg Årdal sletta juniorrekord
– Beste som kunne hendt
– Det var det beste som kunne hendt og veldig kjekt, seier ei glad Marte Rygg Årdal.
Rygg Årdal deltok også i kule men der nådde ho ikkje heilt opp og enda på ein sjetteplass.
– Det var berre sju cm bak min personlege rekord, så det var ikkje så verst. Og så slo eg jo i alle fall ein danske, ler Rygg Årdal.
Bronse i kappgang
Fleire utøvarar frå Sogn og Fjordane var i aksjon under meisterskapen og Kristiane Rygg, også ho frå Gloppen FIL, fekk bronse i kappgang.
Jens Christian Andenæs frå Gloppen FIL hoppa 1,93 m i høgde som heldt til ein sjetteplass.