Politiet fekk rundt klokka fem fredag ettermiddag melding om ein rusa mann som hadde lagt seg til å sove i Florø sentrum. Mannen i 40-åra vart teken hand om av politiet, men då svara mannen med å spytta ein politibetjent i ansiktet.
Det var naboar som melde frå om den rusa mannen, som skal ha låge livlaus utanfor eit bustadhus.
Ifylgje operasjonsleiar Nils Erik Eggen ved Sogn og Fjordane politidistrikt vart mannen hissig og kranglete då politiet kom for å hente han.
Det er oppretta sak på forholdet, og den innsette vil bli avhøyrd når han blir edru. Saka vert vidare etterforska på Flora politistasjon.