Fylkeskommunen kan vil nemleg ikkje godta fleire av Havila sine vilkår for å gjennomføre handelen.
Det skriv Bergens Tidende.
I april vedtok Møre og Romsdal Fylkeskommune å selje sine aksjar i transportselskapet Fjord1til Havila-gruppa.
No stikk usemje omkring handelen kjeppar i hjula for Havila.
Krev innsyn
Dei krev mellom anna ein grundig gjennomgong av selskapet, ein såkalla ”due diligence”, før dei vil teikne ei kjøpekontrakt, noko Sogn og Fjordane Fylkeskommune seier nei til.
I eit brev til konsernleiinga i Fjord1, skriv Fylkeskommunen at det ikkje er aktuelt å utlevere informasjon om verksemda til ein mogleg kjøpar.
LES MEIR: Vil betale 350 millionar for Fjord1-aksjar
Sogn og Fjordane Fylkeskommune eig 59 prosent av aksjane i Fjoprd1 i dag, og er dermed største eigar.
Dei kan velje å bruke forkjøpsretten, bryte Havila sitt bod på aksjane, og bli eineigar av Fjord1.
Uklart
Vidare krev den potensielle kjøparen, Havila, ein aksjonæravtale med Sogn og Fjordane Fylkeskommune før dei forpliktar seg til aksjekjøpet.
Heller ikkje dette vil Fylkeskommunen gå med på med det første.
- Om det er aktuelt å forhandle med Havila om ein slik aksjonæravtale, og om det er mogleg å oppnå ein avtale er uklart, skriv fylkesrådmann Jan Øhlckers i brevet til Fjord1.