Klinikksjef Knut Nautvik ved kirurgisk klinikk ved sjukehuset i Volda seier dei har fått fleire pasientar frå Nordfjord i det siste
– Det er tydeleg at stadig fleire pasientgrupper melder seg på og vil ha behandling hos oss, seier han.
Den omfattande sentraliseringa av sjukehustilbodet i fylket har ført til sterkt frustrasjon i Nordfjord. Kommunelege i Eid, Einar Sandven, seier at mange ikkje ønskjer å reise til Førde.
– Mange pasientar seier at dersom dei ikkje får komme til Nordfjord sjukehus, så vil dei til Volda eller Ålesund.
- LES OGSÅ:
- LES OGSÅ:
Ser ingen dramatikk
Helse Førde vil mellom anna leggje ned både føde- og ortopeditilbodet i Nordfjord. Frustrasjonen er no så stor at pasientane rett og slett nektar å la seg operere eller behandle i Førde, seier Sandven.
– Desverre er det blitt slik at Førde sentralsjukehus har blitt forbunde som ein plass som nordfjordingar ikkje vil reise til.
Men fagdirektør i Helse Førde Hans Johan Breidablikk ser på si side ingen dramatikk i saka.
– Det har ikkje blitt så store tal ut av det hittil, så får vi sjå om det blir noko meir, seier han.
- LES OGSÅ:
- LES OGSÅ:
– Provoserer folk
Sandven meiner Breidablikk sjølv med mange kontroversielle utspel har bidrege til at nordfjordingane ikkje vil la seg behandle i Førde.
– Det er ikkje så lenge sidan vi fekk uttale som samanlikna Nordfjord sjukehus som ein geriatrisk pasient låg på respirator. Den slags uttale provoserer jo i ganske stor grad.