I ein kronikk i Bergens Tidende i dag skriv professor Martin Hovland at dersom det går hol på ein av reaktorane og det blir utslepp til havet, vil alt vatn i verdshava blir forgifta med radioaktivitet.
– Det første som blir smitta er Stillehavet, og så vil det forplante seg til andre verdshav i løpet av nokre år, fryktar han.
Fryktar ei ny verd
Professoren og geofysikaren ved Universitetet i Bergen fryktar vi vil få ei ny verd dersom det går hol på ein av reaktorane i Japan. Han meiner at at den nye verda vil då aldri bli som før.
– Eg håper inderleg at dette ikkje skjer, men slik eg ser, er det ein fare for at det kan skje.
- LES OGSÅ:
- LES OGSÅ:
– Eit skrekkscenario
Nyheitsbilete er prega av katastrofa i Japan. No er nedkjølinga av fleire reaktortankar ved det jordskjelvråka kjernekraftverket i Fukushima ute av kontroll.
Rundt 50 tilsette jobbar no desperat for å halde temperaturen nede i reaktorane. Går kraftverket i lufta, vil det ifølgje Hovland få alvorlege konsekvensar, også for oss her i Norge. Han trur det vil gå ut over livet i havet.
– Det er snakk om ikkje nedbrytbare stoff. Dei vil halde seg radioaktive i nokre hundre år og forplante seg i verdshavet. Det er skrekkscenarioet.
- LES OGSÅ:
(Artikkelen held fram under biletet)
Litt mindre uroa
Havforskar Tore Furevik, også professor ved Universitet i Bergen, er ikkje like bekymra som kollegaen sin.
– Det vil ha store konsekvensar dersom det blir utslepp av radioaktivt utslepp, men konsekvensane vil først og fremst vere i farvatnet nær Japan og nord i Stillehavet. Skulle det komme radioaktivt avfall inn i norske farvatn, snakkar vi om fleire titals år.
Trur ikkje på skadd fisk
Fiskebåtreiaren Øystein Sandøy i Måløy følgje katastrofa i Japan tett, men han trur ikkje ein eksplosjon vil føre til skade på fisken i Norskehavet.
– Eg trur det er ganske fjernt og kanskje ikkje eingong realistisk.
Går kraftverket i lufta vil radioaktive partiklar overføre stråling til alt det kjem i kontakt med.
- LES OGSÅ:
- LES OGSÅ:
Driv framleis nedforing
Tjernobyl-eksplosjonen i 1986 har fått store konsekvensar for fleire sauebønder i Norge. Bonde Kjetil Ruud i Jostedalen er blant bøndene som framleis dir med nedforing av sauane for å få ned det radioaktive innhaldet i kjøtet.
– No er det 25 år sidan ulukka og vi er framleis fleire medlemmer i sankelaget som driv med nedforing endå. Håper verkeleg vi slepp å oppleve det same igjen.
Professor Martin Hovland seier det er vanskeleg å forutsjå korleis dette utviklar seg, men har fryktar det verste.
– Vi kan vente og sjå desse radionukleidane i Nordsjøen om kanskje to år. Men eg håper inderleg at eg tek feil.