Sognekvinne i sikkerheit på Kypros

Det var ei kontrastfylt oppleving å stige ombord i cruiseskipet i Tyr i går kveld. 

- Vi såg at dei bomba Tyr medan vi sat på dekk på eit cruiseskip. Dei sa over høgtalarane at no var tax free-en open, det var ei heilt ufatteleg oppleving, seier ho.

«Dei har teke så godt vare på oss. Kva kan vi gjere tilbake? »

Jenny Rømo

 Vanskeleg situasjon

Jenny Rømo er no i tryggheit på eit hotell på Kypros etter overfarten frå Libanon. Rømo er prega etter gårdagens opplevingar.

- Vi såg at dei bomba over hovuda på venene våre og at dei øydelegg det flotte landet som Libanon er. Eg tenkte på kor heldig eg er som er fødd i Norge, verden er forferdeleg urettferdig, seier ho.

- Korleis føltes det å forlate Libanon?

- Det var veldig trist. Det er nesten noko av det vanskelegaste eg har opplevd. Vi reiste frå folk som er i ein usikker situasjon. Dei har teke så godt vare på oss. Kva kan vi gjere tilbake?

Var på ferie 

Den 27 år gamle Sogndalsjenta var langt i frå førebudd på korleis ferien hennar skulle bli.

- Ikkje i min villaste fantasi. Eg har snakka med folk som har opplevd krig i Libanon før, og dei seier at det aldri har skjedd på denne måten før. Omtrent på nokre timar var det full krig og bombene hagla, seier ho.