Lær deg skiteknikk med NRK

– Folk har forbetringspotensiale på ski, meiner Asgeir Årdal.

Han er ein aktiv skiløpar, og har han starta eige kurs i Sogn og Fjordane - rett og slett for å lære folk flest god teknikk.

Har ofte lyst til å seie ifrå...

– Når eg går på Langeland og trenar, har eg ofte lyst til å seie ifrå til folk som kan forbetre teknikken sin, seier Årdal.

Den tidlegare toppidrettsutøvaren jobbar i dag som sportssjournalist i Firda, men har også ei fortid som lærar på idrettsfag i Sogndal. Han tykkjer det er moro å lære frå seg.

Han har satsa mest på sprint, og har topp ti-resultat frå NM som beste prestasjon. I tillegg har han gått Birkebeinerrennet på 2.50.

Du kan klikke deg inn og sjå kvar enkelt teknikk her:

KLASSISK:

Diagonalgang er den vanlegaste måten å gå på ski klassisk. Det er viktig med tyngdeoverføring, og gli på skia.

Dobbelttak med fraspark er fint å bruke der det er flatt eller lett terreng. Vanlege turløparar slit ofte med denne teknikken. Stavane og frasparket må vere på same tid.

Dobbelttak eller staking er teknikken du brukar i flatt eller nedover. Den vanlegaste feilen er at folk bøyer knea for mykje.

SKØYTING:

Padling blir brukt i bratte motbakkar. Da er det viktig å henge på staven. Hugs at i skøyting må ein ha lange stavar. Dei skal gå over skuldra og rekke nesten til nesen.

Enkeldans er den teknikken du brukar i lette parti og slakt nedover. Dess høgare fart, dess meir brukar ein enkeldans.

Dobbeldans er fint å bruke i slake oppoverbakkar før ein går over til padling. Her er det viktig å få tyngda heilt over skia.

Sjå nett-TV frå skikurs på Langeland:

Du finn meir informasjon om Årdal sine kurs på skitime.no.