På norske vintervegar fekk semitraileren onsdag store problem på oppstiginga mellom Årdal og Tyin. Den sperra for andre store køyrety og trengde hjelp frå bilbergingsselskapet Viking.
- LES OGSÅ:
Då det viste seg at det var tale om ein «gamal kjenning», og at han berre hadde to rustne kjettingar med seg, vart politiet kalla til staden.
- Av dei to kjettingane var den eine øydelagd, opplyser politiet sin operasjonsleiar i Florø.
Gjorde ikkje opp
Føraren vart teken med til lensmannskontoret i Årdal, der det vart oppretta politisak på forholdet. Han godtok ei bot på 8 000 kroner. Vegen var opna for fri ferdsel klokka 15.
- LES OGSÅ:
Etter det NRK kjenner til reiste tsjekkaren frå Aurland utan å gjere opp for bilberginga tysdag. No kjem han ingen veg før begge rekningane er betalte.
- LES OGSÅ:
- Han får ikkje køyre vidare før han får stilt garanti for bilen, og sju nye kjettingar, får NRK opplyst hos politiet.