- Eg trur vi klarar så mykje, og det er vi stolte av, seier han.
- Ser lovande ut
Det går mot eit svært god sesong for dei 17 morellprodusentane i Lærdalgrønt. I fjor vart det levert 76 tonn morellar frå Lærdal Grønt til ein verdi av fire millionar kroner. Målet var å auke produksjonen i år med omlag 30 prosent. I går var Nornes i Lærdal for å inspisere bæra som er klare for hausting om eit par veker.
- Dei byrjar å få ein fin raudfarge, så det ser lovande ut, seier han.
Ettertrakta i England
I fjor fekk morelldyrkarane i Lærdal løyve til å eksportere morellar til heile Europa. Norske morellar er særs ettertrakta i England, og som einaste produsent i Norge pakkar Lærdal Grønt sjølve handlekorger som er å finne i hyllene til butikkjeda Mark and Spencer.
- Det er ei tillitserklæring frå den engelske importøren. Dei har vore så nøgde med dei varene dei har fått, at dei ønskjer å få morellane ferdig pakka i forbrukarpakningar, seier han.