Stengjer vegen for å berge vogntog

Fisk for 400 000 kroner vart natt til laurdag berga frå vogntoget som kvelva i Nordfjord fredag føremiddag.

• LES OGSÅ: Lastebilsjåfør opplevde marerittet

Laurdag kveld og natt til søndag skal sjølve vogntoget hentast opp frå skogen.

Stengjer vegen

Vegen er stengt medan arbeidet pågår og Statens vegvesen ber folk om å køyre om fylkesveg 618.

• Sjå oppdaterte trafikkmeldingar for Sogn og Fjordane

Bergingsselskapet Viking opplyser til NRK.no at det vert ein tung og vanskeleg operasjon slik vogntoget ligg no.

– Dei får halde på til dei er ferdige og det vil ta lang tid, seier vaktoperatør Roger Nedberge Hille ved Vegmeldingssentralen.

(Artikkelen held fram under biletet)

Fisken er berga

Bilen var laste med 23 tonn sild og hamna på sida vel 15 meter nedom vegen på fylkesveg 61 ein kilometer frå Bryggja.

I løpet av natta vart fisken henta ut frå lasteromma, og står no på eit fryselager. Over helga vil fisken bli transportert til kunden.

• LES OGSÅ: Har aldri hatt det så travelt