– Eg trur ikkje ein kan forvente noko anna av Helse Vest enn at også dei vil legge ned fødetilboda på lokalsjukehusa, seier Cruickshank til NRK.no.
- LES OGSÅ:
I dag la administrasjonen i Helse Vest fram si tilråding til styret i regionføretaket, og dei går inn for å legge ned fødetilbodet både i Lærdal og på Nordfjordeied.
Håpar politikarane grip inn
Tidlegare i haust gjekk styret i Helse Førde inn for å legge ned fødetilboda på lokalsjukehusa i fylket.
No er det opp til styret i Helse Vest, som har det siste ordet, å bestemme kva som skal skje med fødetilbodet. Dei skal ha møte onsdag neste veke.
– Vårt siste håp er at Stortinget og regjeringa set foten ned og gjer noko, seier Cruickshank.
Gir ikkje opp kampen
Cruickshank, som er frå Årdal, har i mange år kjempa for å oppretthalde fødetilbodet i Indre Sogn.
– Det endelege vedtaket blir fatta neste onsdag i styremøtet i Helse Vest. Har du ikkje tru på at det er råd å få ei anna avgjerd der enn administrasjonen si innstilling?
– Nei, det har eg ikkje, svarar ho.
Ho vil ikkje gi opp enno, og fortel at kampen for fødetilbodet vil og må halde fram.