- Vanskeleg å halde hjula beint

Oppmodinga kjem frå Kjell Løken som har køyrt over Utvikfjellet og ned til Førde i morgontimane.

På eit kort strekke har han vore gjennom både slaps, snø og regn.

- På veg opp Utvikfjellet og ned på Karistova møtte eg snøen. Der var det kome eit ganske godt snødekke, seier Løken som ynskjer å åtvare andre bilistar om det som kan vere vanskelege køyreforhold.

• LES OPPDATERTE VEGMELDINGAR FOR FJELLOVERGANGANE HER

- Vanskeleg å halde bilen rett

Han melder vidare om skikkeleg sludd i Våtedalen, men verst er føret frå Klakegg til Skei. Der er det 10- 15 cm nysnø, og vanskeleg å halde bilen i rett.

Løken anbefaler lav fart og vinterdekk, men frå midten av Jølstravatnet og nedover frå Førde er det styrtregn.

(Artikkelen held fram under biletet)

Ventar meir nedbør utover dagen

Også mellom Sogndal og Lærdal er det dårleg føre, melder sjåførar. Vegen er sleip og glatt. Gjennom Fjærland er føret ganske bra, men frå Fjærlandstunellen er det tett snøver og kjempeglatt. - Ein må vere forsiktig, seier ein innringar til NRK.

Fv 55 Sognefjellet var planlagt opna kl 08 etter nattestenginga, men blir i staden stengt vidare utover dagen grunna uver.

På riksveg 13 over Vikafjellet er det i morgontimane kolonnekøyringa på grunn av uvêr, men vegen er no open for fri ferdsel.

• LES OGSÅ: Vêrvarselet for Sogn og Fjordane

I følge vervarslinga er det meldt nedbør utover dagen, men denne vil avta utover kvelden.