Ingen kan matche arrangørane av Aosen Opp på originalitet, skriv porten.no:
For medan det har blitt veldig mange motbakkeløp, er nok ideen om å leggje løpet gjennom Ofredalstunnelen i Årdal kommune noko heilt utanom det vanlege.
Ofredalstunnelen er verdas brattaste tunnel, og har mellom anna vore omtala i NRK-programmet «Norsk attraksjon» med Linda Eide.
- LES MEIR:
Håpar å lage litt liv i tunnelen
Som deltakar i Aosen Opp må du ta deg gjennom den spesielle og bratte tunnelen til fots.
- Etterkvart er det svært mange som har køyrt gjennom den bratte biltunnelen, men det er vel svært få som har gått gjennom den. Og det blir nok den store utfordringen i dette løpet, seier leiar Tor Henanger i skigruppa i Årdalstangen IL.
- Vi kan ikkje love at det er grevling i taket, men kanskje kan vi få til litt liv i tunnelen, seier han til porten.no.
LES OGSÅ:
(Artikkelen held fram under biletet)
BRATT: Her skal løparane få pressa seg hardt...
Foto: Kjell Arvid Stølen / NRKStartar ved fjorden - endar på fjellet
Motbakkeløpet blir noko for seg sjølv i den enorme floraen av motbakkeløp.
Søndag blir det uvanlege løpet ein realitet: Det startar heilt nede ved fjorden og følgjer bilvegen via Ofredalstunnelen opp til Aosahytta på om lag 730 meter over havet.
- Vi er sjølvsagt litt spente sidan dette er første gongen, men vi håpar i alle fall at lokale folk stiller opp, seier Kristin Seim i ÅTIL til porten.no.