No har Tornado-Måløy 46 poeng og leiar 3.divisjonslista. Men tapet på bortebane på Stryn stadion i dag var surt for nordfjordingane.
- LES OGSÅ:
Kan framleis kome i 2.divisjon
Likevel er vegen til 2.divisjon ikkje så langt vekke.Dei har att to heimekampar mot botnlaga Høyang og Jølster. Og dei leiar tabellen med fem poeng.
Men trass i at draumen om 2.divisjon ikkje er knust, var dei ikkje nøgde i dag.
- Dei var skuffa etter kampen, det var tydeleg, seier NRK-journalist Inge Kjell Holme.
Usamd med dommaren
I andreomgang vart det dramatisk då Tornado-Måløy bomma på ei straffe og like etter fekk ein mann utvist.
- Dei var ikkje samde i at spelaren Børge Yndestad skulle få raudt kort, seier Holme.
Men medan dei besøkande gjekk til garderoben utan smil om munnen, stod det annleis til for heimelaget.
Imponert over sine eigne
- Det var rett å dele ut korta han gjorde i kampen, seier strynetrenar Edvard Nordang.
Han var imponert over at spelarane hans klarte å snu kampen.
- Spesielt sidan toppscoraren vår Christian Holte er ute.