Her der det dyrast å kjøpte hus

- Eg er ikkje overraska over prisforskjellane, seier Heidi Berge eigedomsmeklar i

Sparebanken Sogn og Fjordane.

• LES OGSÅ: Bustaden din er stadig meir verdt

Sogndal på topp

Prisen på eit husvere i fylket varier veldig frå kommune til kommune. Gjennomsnittsprisen per kvadratmeter er i per dags dato i Sogn og Fjordane 15 835 kroner.

Skal du kjøpe hus i Sogndal må du punge ut. Der er snittprisen høgast på 27 132 kroner per kvadratmeter ifølgje Finn.no.

- Sogndal har hatt ein del utbyggingar av leilegheiter dei seinare åra. Og sentrum i Sogndal er eit pressområde, seier Berge.

• LES OGSÅ: Kraftig brems i bustadbygginga

Store lokale skilnader

Det fører til at prisen går opp. Og tru det eller ei, men jo lågare kvadratmeter bustaden har, jo høgare vert prisen.

- Det er slik at det er leilegheiter som kostar mest, og då spesietl nye leilegheiter.

Men ein treng ikkje reise langt frå Sogndal for å få rimelegare bustader. I Leikanger er gjennomsnittsprisen per kvadratmeter på 8 247 kroner.

• LES OGSÅ: Her er det best å bu

«Jo mindre kvadratmeter ei bueining har, jo høgare vert prisen.

»

Heidi Berge, eigedomsmeklar

Høyanger på botn

Høyanger ligg på botn av lista over snittpris på 7 149 kroner per kvadratmeter.

- Høyanger har ein del eldre bustader, og då einebustader. Det fører til at prisen går ned. Dei har slite på arbeidsmarknaden i tillegg, og det fører også til at prisane ikkje går opp, forklarer eigedomsmeklaren.

Korleis det går med viktige arbeidsplassar som Hydro og Fundo har også vore med på å justere prisane på bustader i området.

- Det har vore slik i mange år, seier Berge.

• LES OGSÅ: Nedgangstider for bustadmarknaden

Kan koste 30 000 pr/kvm

Førde ligg lågare enn Sogndal. Berge seier Sunnfjordbyen har ein god variasjon av bustader.

- I Førde varierer prisane veldig. Det er jo kjendt at nye leilegheiter i området kostar mykje. Der kan prisen komme opp i 30 000 kroner per kvadratmeter, seier ho.

Men har du ei leilegheit frå 70-tallet går prisen ned.

- Snittprisen i Førde er lågare enn i Sogndal, men det trur eg har noko med miksen i bustadane.

• LES OGSÅ: - Sats på få tettstader

Ingen hus til sals

Det er to kommunar som ikkje har bustader til sals per dags dato. Det er Aurland og Balestrand.

I Hyllestad er det eitt hus til sals til ein pris av 1 780 000 kroner for 97 kvadratmeter.