Femte best på unge fotballspelarar

Norsk Toppfotball har laga oversikt over kva for klubbar som er flinkast til å bruke spelarar under 23 år.

Medan Strømsgodset toppar lista i eliteserien med 354 poeng, er det Tromsdalen som er best i 1. divisjon med 392 poeng.

Sogndal ligg på femteplass med 279 poeng. Moss (354) , Follo (312) og Sarpsborg (289 poeng) er dei andre laga som ligg føre sognalaget.

12 er under 23 år

I stallen til Sogndal er 12 av 30 spelarar under 23 år. Norsk Toppfall ønskjer at klubbane skal bruke unge spelarar.

– Vi ønskjer å stimulere klubbane til å bruke dei unge. Difor har vi innført dette poengssystemet, seier sportsleg leiar Jo Bergsvand i ei pressemelding.

Poeng og pengar

Klubbane i dei to øvste divisjonane får poeng i forhold til kor mange unge spelarar dei brukar og kor mange speleminutt dei får.

Dei som brukar ung spelarar mest på banen, får premie i form av pengar. Klubbane får også poeng viss dei låner ut ein spelar til eit anna lag og blir brukt der.