Fleire druknar i Sogn og Fjordane

Hittil i år har 60 personar omkomme som følgje av drukning. Det er 19 færre enn på same tid i fjor, men statistikken for Sogn og Fjordane er dyster lesnad.

Mens det i heile 2009 vart registrert eitt dødsfall som følgje av drukning, er det så langt i år registrert tre tilfelle i fylket; eitt tilfelle i januar, eitt i mars og eitt i juli.

Det viser tal frå Norsk Folkehjelp.

Alle fylkene, med unntak av Østfold og Svalbard har hatt drukningsulykker så langt i år. Vestfold toppar den dystre statistikken med seks drukningsulykker.

80 prosent av dei omkomne er menn, og dei viktigaste årsakene til drukningsulykker er fall frå båt eller bryggje. Men også under bading har ni menneske mista livet til no i år.