Nordisk meister i superbike

Med toppfart på heile 220 km/t susa 38-åringen ned langstrekkene i eit løp der snittfarten er 125 km/t.

– Eg låg lenge på 3. plass, men då min hardaste utfordrar krasja, kunne eg cruise inn, seier ein nøgd meister til firda.no.

I løpet av fem helger køyrer dei ti løp, og i dag var det nye 18 rundar, Men Haaland hadde så stort forsprang at ingen kunne ta han igjen.

Ifølgje nettavisa er Haaland veldig nøgd med sesongen.

– Vi fekk førebudd oss grundig i vinter, både på trening- og utstyrssida, seier den utflytte fjalerbuen til avisa.

Haaland har to NM-gull og ein kongepokal. Neste målet hans er å ta eit nytt NM-gull og kanskje eit nytt nordisk gull.