Sende til Haukeland etter MC-velt

– Ein mann på 42 år og ei kvinne på 39 år vart frakta til Førde sentralsjukehus etter ulykka. Dei har fått intensivbehandling i Førde, men blir begge frakta til Haukeland i Bergen. Tilstanden for dei to er alvorleg, men stabil.

Det opplyser vakthavande ved AMK-sentralen i Førde til NRK klokka 20.35.

Det var i 14-tida torsdag ettermiddag at motorsykkelen til dei skadde kvelva på E39 ved Reset i Førde. Paret skal vere amerikanske statsborgarar.

Politiet har førebels ikkje kunne seie noko om årsaka, eller om andre køyretøy var involvert i ulykka som blir etterforska av Førde og Naustdal lensmannskontor.

Det oppstod lange køar på begge sider av ulukkesstaden. Statens vegvesen opplyser at vegen no er open igjen i eitt felt. Trafikken vart dirigert forbi staden så lenge det pågjekk oppryddingsarbeid.

Klokka 15.28 melde Statens vegvesen at vegen er opna att for fri ferdsle.

• Sjå oppdaterte vegmeldingar her