CP-råka symde 4,7 kilometer

- Dette er ein heilt fantastisk prestasjon, eg tek av meg hatten for Charlotte seier Randi Væhle Rodriguez, seniorrådgjevar i CP-foreininga, til Sogn Avis.

Har trena i to år

Tysdag viste CP-råka Charlotte Roaldseth stålvilje av det sjeldne, då ho trassa kraftige straumar og kaldt vatn, og kryssa Sognefjorden. I løpet av fire timar og 35 minutt symde ho frå frå Borlaug, mellom Feios og Fresvik i Vik, til Leikanger.

Visste du at...

Foto: Leif Arne Aasen

• Sognefjorden er Norges lengste og ein av verdas lengste fjordar med sine 205 kilometer.
• Ytre del, mellom øyane i Solund i nord og Gulen i sør, kallast Sognesjøen.
• Indre armar skjer seg inn i til dels svært høge fjellmasser; botnen av Lustrafjorden ligg berre 12 km luftlinje frå Austanbotntindane i Hurrungane.
• Midtre og indre del er fjordsidene bratte og høgdeskilnaden aukar austover.
• Største målte djupne er utanfor Vadheimsfjorden, med 1 308 meter.

Kjelde: Store Norske Leksikon

For Roaldseth har det vore ein draum å gjennomføre turen. Utan drakt og andre hjelpemiddel har ho no oppfylt kravet til ein ekte fjordsymjar.

- Eg har trena med denne symjeturen for auga i to år, seier ho til avisa og legg til at det kvar veke har blitt tre-fire økter på minimum 90 minuttar i opptreningsperioden.

- Har stålvilje

I tillegg til ein følgjebåt, vart 23-åringen ledsaga av far sin Svein Breivik som følgde symjeturen i kajakk.

- Ho har stålvilje, fortel Breivik til avisa. Det herskar noko uvisse på symjedistansen ettersom ettersom straumen førde henne meir vestover enn det som var planen.

- Kraftfull personlegdom

For Væhle Rodriguez i CP-foreininga, er mektig imponert over Roaldseth som måtte lite mest på armane sine under symjeturen.

- Hugs at ho må bruke tre gonger meir energi enn andre, seier ho til avisa og konstaterer.

- Det må ein kraftfull personlegdom til for å gjennomføre dette.

Kart